भुल्नुपर्ने जिन्दगीका पाटा कति-कति
हिड्नु पर्ने जिन्दगीका बाटा कति-कति
मुनाफाको पछि-पछि लागेका छन् सबै
बेहिसाब छ जिन्दगीका घाटा कति-कति
नरोकियोस् समय नरोकियोस् बतास
घुमिसक्यो घडी जिन्दगीका काटा कति-कति
छुट्यो साथ छुट्यो बन्धन एक्लो जीवनमा
जोडियो सबैसंग बिरानो नाता कति-कति
सहदैछु घाउहरु पिडा छोपेर आफै भित्र
छाम्नु पर्ने वेदनाका खाटा कति-कति
Inepal - Largest Collection of POEMS
ReplyDelete